Məşhur mütəxəssis həlledici oyundan əvvəl millidən ayrıldı: “Ailə futboldan vacibdir”

Kurasao millisinin baş məşqçisi Dik Advokat DÇ-2026-nın Şimali Amerika üzrə seçmə mərhələsində Yamaykaya qarşı son tur oyunu ərəfəsində komandanın düşərgəsini tərk edib.

Sport1.az xəbər verir ki, 76 yaşlı mütəxəssis ailəvi səbəblərə görə Niderlanda yollanıb. Kurasao – Yamayka görüşündə komandanı baş məşqçinin köməkçiləri idarə edəcək.

Advokat qərarını belə izah edib:

“Komandanı bu vəziyyətdə buraxmaq çox ağırdır. Ürəyim ağrısa da, ailəm hər şeydən önəmlidir. Niderlandda olarkən məşqçilər heyəti ilə mütəmadi əlaqədə olacağam və oyunçularıma tam güvənirəm”.

Qeyd edək ki, Kurasao 11 xalla B qrupuna başçılıq edir. Komanda Yamaykaya qarşı qalib gəlsə və ya heç-heçə etsə, tarixində ilk dəfə Dünya Çempionatına vəsiqə qazanacaq.