Qattuzo norveçli futbolçunu tərifə boğdu: “Unikaldır”

İtaliya millisinin baş məşqçisi Cennaro Qattuzo DÇ-2026-nın seçmə mərhələsində Norveçlə qarşılaşma öncəsi Erlinq Haaland haqqında fikirlərini bölüşüb.

Sport1.az xəbər verir ki, italiyalı mütəxəssis rəqib hücumçunu xüsusi olaraq fərqləndirib:

“Haaland inanılmaz futbolçudur, tam bir “qol maşını”dır. Oyun anlayışı, hərəkətləri, fiziki gücü və sürəti ilə özünəməxsusdur. Dünya futbolunda hər kəsin fərqli xüsusiyyətləri var, amma o bu kombinasiyanın ən mükəmməl nümunəsidir. Norveç hücum xəttində dörd güclü oyunçuya malikdir və onlara cüzi boşluq versən, səni dərhal cəzalandırırlar”.

Qeyd edək ki, Haaland Norveç millisində bu seçmə mərhələdə 7 oyunda 14 qol vurub və 2 məhsuldar ötürmə edib.