Qattuzo Avropanın DÇ seçmə sisteminə üsyan etdi
İtaliya millisinin baş məşqçisi Cennaro Qattuzo Moldova üzərində qazanılan qələbədən (2:0) sonra Avropa üzrə DÇ seçmə mərhələsinin qaydalarının dəyişdirilməsini təklif edib.
Sport1.az xəbər verir ki, təcrübəli mütəxəssis hazırkı sistemin ədalətli olmadığını bildirib və xüsusilə digər konfederasiyalarla müqayisədə Avropa komandalarının daha çətin yoldan keçdiyini vurğulayıb:
“Bizim dövrümüzdə qrup liderləri birbaşa Dünya Çempionatına yollanırdı, indi isə qaydalar dəyişib. Bu qədər güclü komandaların olduğu qitədə belə çətin seçmə prosesinin olması sual yaradır. Afrikadan 1990-cı illərdə iki komanda gedirdi, indi bu rəqəm doqquzdur. Cənubi Amerikada isə on komandadan altısı birbaşa vəsiqə alır, yeddinci pley-off oynayır. Avropada sistemi yenidən nəzərdən keçirmək lazımdır”.
Qeyd edək ki, yeddi oyundan sonra 18 xal toplayan İtaliya I qrupunda ikinci yerdə qərarlaşıb və lider Norveçdən üç xal geri qalır. Turnirə birbaşa vəsiqə üçün “Skaudra Adzurra”nın son oyunda rəqibini 9:0 hesabı ilə məğlub etməsi tələb olunur.
