Mbappe Upamekano barədə: “Daha yaxşıları da var”
“Real” və Fransa millisinin hücumçusu Kilian Mbappe yığmadakı komanda yoldaşı, “Bavariya”nın müdafiəçisi Dayo Upamekanonu yüksək qiymətləndirib və onun kimi futbolçuların hər klub üçün dəyərli olduğunu bildirib.
Sport1.az xəbər verir ki, Mbappe RMC Sport-a açıqlamasında həmvətəninin oyun keyfiyyətlərini belə dəyərləndirib:
“O, əla çıxış edir və özünə böyük inamla oynayır. Hazırda dünyanın ən yaxşı müdafiəçilərindən biri hesab olunur. Dayo həm fiziki, həm də taktiki baxımdan komandasına üstünlük qazandırır. Hücumçulara çatır, mübarizələrdə qalib gəlir, rəqibləri neytrallaşdıra bilir. “Bavariya” kimi böyük klubda çıxış edir, amma ondan da yaxşı komandalar var... (gülür). Ətraflı danışmaq istəmirəm, çünki dediklərim onun üzərinə təzyiq yarada bilər. Amma bu səviyyəli oyunçudan danışırıqsa, deməli, bütün klublar onu transfer etmək üçün fürsət axtaracaq”.
