Ronaldo heyranı, Messi qərarı: "Liverpul"un ulduzu nə dedi?
“Liverpul”un hücumçusu Federiko Kyeza futbol tarixinin iki əfsanəsi – Kriştiano Ronaldo və Lionel Messi arasında seçim edib.
Sport1.az xəbər verir ki, italiyalı futbolçu “Sky Sports”a müsahibəsində keçmiş komanda yoldaşının oyununu heyranlıqla xatırlasa da, Messini futbol tarixinin ən böyüyü adlandırıb:
“Ronaldo ilə birgə oynamaq möhtəşəm idi. Həm Messi, həm də Kriştiano futbol tarixinin ən yaxşılarındandır. Amma tam səmimi desəm, hesab edirəm ki, Leo Messi bütün dövrlərin ən böyük futbolçusudur”.
Qeyd edək ki, Federiko Kyeza Kriştiano Ronaldo ilə 2020–2021-ci illər mövsümündə “Yuventus”da komanda yoldaşı olub. Portuqaliyalı hücumçu 2018–2021-ci illər aralığında Turin klubunun heyətində 134 matçda 101 qol vurub, 28 məhsuldar ötürmə ilə yadda qalıb və iki dəfə A Seriyasının çempionu olub.
