"Bavariya" Upamekanonun əvəzləyicisini tapdı

“Bavariya” “Liverpul”un müdafiəçisi İbrahima Konate ilə danışıqlar aparır.

Sport1.az xəbər verir ki, “Bild”in məlumatına görə, 26 yaşlı futbolçu Münhen təmsilçisinin müdafiə xətti üçün potensial namizədlərdən biridir. Klub onu, mövsümün sonunda ayrılmaq ehtimalı olan Dayo Upamekanonun alternativi kimi nəzərdən keçirir.

Fransalı müdafiəçinin nümayəndələri həmçinin “Real Madrid” və PSJ ilə də danışıqlar aparır.

Qeyd edək ki, Konate bu mövsüm “Liverpul”un heyətində bütün turnirlər daxil olmaqla 15 oyuna çıxıb və 1 qol vurub. “Transfermarkt” məlumatına əsasən, futbolçunun bazar dəyəri 55 milyon avrodur.