Avtobusu yandıran "Barselona" azarkeşi həbs edilib - VİDEO

“Barselona”nın Belçikadakı oyununda baş verən yanğın insidenti ilə bağlı təqsirkar şəxs müəyyən edilib.

Sport1.az xəbər verir ki, “Brügge” ilə oyun (3:3) öncəsi azarkeş avtobusunu yandıran şəxs Belçika polisi tərəfindən saxlanılıb. Onun “Barselona” azarkeş qrupunun üzvü olduğu açıqlanıb.

Bundan əlavə, polis digər iki fanatdan da fişənglər aşkarlayıb. Hadisələrdən biri “Yan Breydel” stadionunun girişində, digəri isə tribunada baş verib. Hazırda həmin şəxslərin şəxsiyyəti dəqiqləşdirilir. Əgər faktlar təsdiqlənərsə, “Barselona” klubunun onlara qarşı tədbir görəcəyi gözlənilir.

Xatırladaq ki, UEFA Çempionlar Liqasının 4-cü turu çərçivəsində “Brügge” ilə oyuna yollanan azarkeş avtobusu içərisində fişəngin yandırılması nəticəsində alova bürünmüşdü.