Tahir Gözəl komandasının pley-offa çıxacağına inanır - AÇIQLAMA

Çempionlar Liqasının əsas mərhələsin IV turunda "Qarabağ" "Çelsi" ilə heç-heçə etdi - 2:2.

Sport1.az xəbər verir ki, oyundan sonra Ağdam təmsilçisinin prezidenti Tahir Gözəl jurnalistlərə açıqlama verdi:

“Biz 2 gün sonra Zəfər bayramını qeyd edəcəyik və dünya liderləri Azərbaycana gələcək. Bu gün “Qarabağ” sübut etdi ki, Azərbaycan xalqı cəsarətlidir. Gördünüz nə qədər rahat oynadıq? İkinci qolu bizə hücumda vurdular. Məndə çox böyük fəxr hissi var. Çox sürətli oyun idi. Zənnimcə, Azərbaycan futbol tarixində ən gözəl, ən ləzzətli oyunlardan biri idi. “Qarabağ” sübut etdi ki, “Çelsi” kimi dünya çempionu bir klubla çox rahat bacarır. Bizim bu gün udmaq şansımız var idi. Təsadüfi deyil qazanclarımız.

Bu gün biz artıq daha da ümidlənirik ki, bir zəfər daha olsa, ilk 24-ə düşmək şansımız olacaq. Lap 1 qalibiyyət, yaxud bərabərliyimiz olsa da, keçə biləcəyik. Mən bu qalibiyyətə görə xalqımızı, azarkeşlərimizi və ölkə Prezidentini ürəkdən təbrik edirəm”.