“Benfika”nın baş məşqçisi Joze Mourinyo UEFA Çempionlar Liqasının ümumi mərhələsinin 4-cü turunda keçiriləcək “Bayer”lə oyun öncəsi fikirlərini bölüşüb.Sport1.az xəbər verir ki, portuqaliyalı mütəxəssis bu oyunu “Benfika” üçün turnir cədvəlində dönüş nöqtəsi ola biləcəyini düşünür:
“Bu oyun bizim üçün çox vacibdir. Əgər qalib gəlsək, pley-off uğrunda mübarizəni davam etdirəcəyik. Uduzsaq, vəziyyət bir qədər çətinləşəcək. Meydana istəklə, amma qorxusuz çıxmalıyıq. “Bayer” mövsümə çətin start verdi, amma indi öz ritmini tapıb. Onların “Bavariya”ya məğlubiyyəti heç nəyi dəyişmir — axı “Bavariya” Avropanın ən güclü komandalarından biridir. Bu oyunda xallar həm bizə, həm də “Bayer”ə lazımdır”, – deyə Mourinyo bildirib.