Anri "Liverpul"a qarşı oynadığı oyuna görə Vinisiusu tənqid etdi

Fransa millisinin keçmiş hücumçusu Tyerri Anri UEFA Çempionlar Liqasının 4-cü turunda keçirilən “Liverpul” – “Real Madrid” qarşılaşmasından (1:0) sonra Vinisius Juniorun çıxışını kəskin şəkildə tənqid edib.

Sport1.az xəbər Anrinin fikrincə, braziliyalı vinger meydanda kifayət qədər fəallıq göstərməyib və komandanın pressinq planını lazımi səviyyədə yerinə yetirməyib:

“Başa düşmürəm, niyə “Liverpul”un cinah müdafiəçisinə təzyiq etmirdi. İlk 5–7 dəqiqə Konor Bredliyə qarşı pressinq etdi, amma sonra rəqibi azad buraxdı. Niyə ona bu qədər boşluq verirsən? Davamlı təzyiq et ki, sarı vərəqə alsın və müdafiəsi zəifləsin. Amma Vinisius bunu etmədi”, – deyə Anri bildirib.

Qeyd edək ki, dünən “Enfild” stadionunda keçirilən görüşdə “Liverpul” 1:0 hesablı qələbə qazanıb.