"Çelsi" kimi məşhur klubun Bakıya gəlməsi həm ölkəmiz, həm də futbolumuz üçün mühüm hadisədir" - MÜTƏXƏSSİS RƏYİ

Bu gün Çempionlar Liqasının əsas mərhələsinin növbəti oyunları baş tutacaq.

Sport1.az xəbər verir ki, “Qarabağ” Bakıda “Çelsi”ni qəbul edəcək. Qarşılaşma ilə bağlı veteran futbolçu, Ağdam təmsilçisinin sabiq üzvü Zaur Həşimov fikirlərini öyrəndik:

“Çelsi” kimi məşhur klubun Bakıya gəlməsi və Tofiq Bəhramov adına Respublika Stadionunda meydana çıxması həm ölkəmiz, həm də futbolumz adına mühüm hadisədir. İngiltərə təmsilçisi istər Premyer Liqada, istərsə də ÇL-da qarşılarına çempion olmaq hədəfi qoyub. Nəzərə alsaq ki, “zadəganlar” daxili çempionatda “Mançester Yunayted”, “Mançester Siti”, “Arsenal”, “Liverpul” kimi rəqiblərlə, ÇL-də isə top-liqa təmsilçiləri ilə mübarizə aparır. “Qarabağ”ın ingilis klubuna qarşı oynaması yaxşı stimuldur. “Köhlən atlılar” mövsümə iki qələbə ilə başladı. Son oyunda “Atletik"ə məğlub olsa da, əla mübarizə apardı. Təmsilçimizin “Çelsi”yə qarşı da layiqli mübarizə aparacağına inanıram. Nə qədər çətin olsa da, istərdik ki, 90 dəqiqə sonra ağdamlıar 1 xal qazansın. Qurban müəllimə və komandasına uğurlar arzu edirəm”.

MİRZƏ S.