"Qarabağ" "Çelsi"yə müqavimət göstərə bilər? - MÜTƏXƏSSİS RƏYİ

Bu gün “Qarabağ” Çempionlar Liqasının əsas mərhələsində “Çelsi” ilə qarşılaşacaq.

Görüş komandamız üçün olduqca vacibdir. Görəsən, Azərbaycan təmsilçisi bu matçda qalib gələ biləcək?

Rəqibin Avropanın ən güclü komandalarından biri olması oyunumuza necə təsir edəcək?

Görüşlə bağlı suallarımızı Fərid Namazova ünvanladıq. Mütəxəssis mövzu ilə bağlı Sport1.az-a açıqlamasında bunları söylədi:

“Açığı, maraqlı oyun olacağını gözləyirəm. Əlbəttə ki, rəqib “Çelsi”dir. Amma nəzərə alsaq ki qarşılaşma Bakıda keçiriləcək. Bu səbəbdən də olduqca maraqlı oyun başqa tutacaq. “Qarabağ” “Çelsi”yə lazımi müqaviməti göstərəcək gücdədir. Lakin, təbii ki, oyun keyfiyyəti və komandanın ümumi dəyərinə görə London təmsilçisi qarşılaşmadan öncə daha üstün görünür. “Çelsi” öz dəsti-xətti olan komandadır. Beşli müdafiə sistemi ilə oynayır, amma buna baxmayaraq, dominant futbol sərgiləməyə çalışır. “Qarabağ”ın da öz oyun üslubu var. Rəqibin kimliyindən asılı olmayaraq, dominant oynamağa çalışır. Maraqlıdır, bu gün “Çelsi”yə qarşı bu tərzdə oynaya biləcəklərmi? Dediyim kimi, “Çelsi” də top komandadır və ilk dəqiqələrdən “Qarabağ” üzərində təzyiq hiss etdirməyə çalışacaq. Əsasən Britaniya futboluna xas olan standartların komandamızın qapısı qarşısında təhlükəli olacağını fikirləşirəm”.

LALƏ QURBANLI