“Liverpul”un “Real”la oyunda kimlər olmayacaq — Slot itkiləri açıqladı

“Liverpul”un baş məşqçisi Arne Slot UEFA Çempionlar Liqasının liqa mərhələsinin 4-cü turunda “Real Madrid”lə qarşılaşma öncəsi komandasındakı itkilər barədə danışıb.

Sport1.az xəbər verir ki niderlandlı mütəxəssisin sözlərinə görə, üç əsas futbolçu – qapıçı Alisson Bekker, müdafiəçi Ceremi Frimponq və hücumçu Aleksandr İsak Madrid təmsilçisinə qarşı meydana çıxa bilməyəcək.

[b] “Hər üçü sabah oynaya bilməyəcək. Ceremi və Alison həmçinin bazar günü “Mançester Siti” ilə qarşılaşmada da iştirak etməyəcək. İsakın vəziyyətinə gəlincə, onunla bağlı bir qədər gözləməliyik. O, hazırda komanda ilə məşq etmir. Start heyətində olmayacaq, amma bəlkə də ehtiyat oyunçular skamyasına daxil edilə bilər”, – deyə Slot bildirib.

Qeyd edək ki, “Liverpul” – “Real Madrid” görüşü noyabrın 4-də Bakı vaxtı ilə saat 00:00-da keçiriləcək.