Yazı / Manşet
08:47
30.07.2025
1 047
AFFA-nın güzəşt yalanı - ARAŞDIRMA
Xatırlayırsınızsa, 14 mart 2025-ci il tarixində SOCAR-ın inzibati binasında AFFA İcraiyyə Komitəsinin növbəti iclası keçirildi.
Həmin gün ölkə futbolu ilə bağlı mühüm qərarlar verilmişdi. Bizim üçün vacib və yazının əmələ gəlməsinə səbəb olan məsələni diqqətinizə çatdırırıq:
"AFFA İcraiyyə Komitəsi tərəfindən 2025/26-cı illər mövsümündə Azərbaycan Premyer Liqasında komanda sayının artırılması ilə əlaqədar çempionata yüksələcək klublara infrastruktur, inzibati və digər sahələrdəki çatışmazlıqları aradan qaldırmaq üçün 1 illik möhlət verilib. Bu xüsusi qayda yalnız bu il Premyer Liqaya yüksələcək komandalara şamil ediləcək".
2024/25 mövsümünün sonunda "Qəbələ" çempion oldu, "İmişli" gümüş, "Karvan" bürünc medallara sahib çıxdı. Bunun sayəsində adı çəkilən komandalar Premyer Liqaya yüksəldi. Demək ki, bu klublara yuxarıda qeyd olunan bəndlər üzrə güzəştlər edilməlidir. Gəlin, görək kollektivlərin hansı problemləri var?
"Qəbələ"nin stadionu, bazası var. Amma maliyyə çatışmazlığından əziyyət çəkir. Bu səbəbdən də Əvəzedicilər Liqasında iştirak etmək istəmir.
Keçək "İmişli"yə! Stadionu, bazası yoxdur. Əslində var, amma standartlara uyğun deyil. Aran təmsilçisindən nə tələb olunur? Stadionu, bazanı düzəlt, əvəzedici komanda saxla, Premyer Liqada iştirak et, ev oyunlarını keçirmək üçün özünə məkan tap. Təbii ki, bunların hamısı 2,5 milyona və sponsorun ayırdığı pul hesabına edilməlidir.
Gəldik "Karvan"a! Yevlax təmsilçisi ötən mövsüm öz hesabına bazasına əl gəzdirdi. İndi də stadionunu təmir edir, ot örtüyünü dəyişir. "Ağ-qaralar" bir müddət ev oyunlarını Şamaxı şəhər stadionunda oynayacaq.
Yuxarıda sadaladığımız işlərin görülməsi üçün AFFA klublara hansısa dəstək olub? Xeyr!
Qayıdaq əsas məsələyə! AFFA Premyer Liqaya gələn klublara hansı güzəşti edir? "Qəbələ"nin pulu yoxdur. Dirəşir ki, əvəzedici komanda saxla. "İmişli"nin stadionu yoxdur. Dirəşir ki, yeni arena tik, baza qur, oynamağa məkan tap, əvəzedici komanda saxla! "Karvan" stadionunu düzəldir. Ona dirəşir ki, ot örtüyünü təbii et, Şamaxıdakı arenanın icarə haqqını ödə. Yaxşı, bunların hamısını klublar edəcəksə, AFFA-nın güzəşti nə mənə şeydir?
Yəni, sizə 1 il vaxt veririk ki, bu problemləri həll edin? Bacararsanız, çempionatda qalarsınız. Bacarmasanız, I Liqaya xoş getdin? Belə güzəşt olar?
İndi kimsə deyə bilər ki, əsas güzəşt "İmişli" və "Karvan"a edilib. Çünki onların stadionları yoxdur. Sizə Azərbaycan Futbol Klublarının Lisenziyalaşdırılması üzrə qaydalarının 35-ci maddəsinin 3 bəndini təqdim edirəm:
1. Lisenziya iddiaçısı əsas komanda və Maddə 20-ə əsasən yarışlarda iştirakı tələb olunan bütün komandaların müvafiq yarışların keçirilməsi üçün Azərbaycan
Respublikasının ərazisində yerləşən stadion(lar)a malik olmalıdır.
2. Əgər lisenziya iddiaçısı stadionun sahibi deyilsə, o zaman o, istifadə edəcəyi
stadionun mülkiyyətçisi ilə yazılı müqaviləni təqdim etməlidir.
3. Lisenziya iddiaçısı zəmanət verməlidir ki, o, ərizədə qeyd olunan lisenziyalaşdırma mövsümü ərzində göstərilən stadion(lar)dan müvafiq yarışlar
çərçivəsində ev oyunlarının keçirilməsi üçün istifadə edə bilər.
"Qəbələ"nin öz stadionu var? Bəli! "İmişli" və "Karvan" Azərbaycan Respublikasının ərazisində yerləşən stadionda çıxış edəcək? Bəli! "Araz-Naxçıvan" eyni qaydadan istifadə edərək Bakıda ev oyunlarını keçirir? Bəli! Bəs, AFFA I Liqadan Premyer Liqaya yüksələn klublara nə güzəştlər edib? Heç nə!
Tutaq ki, "İmişli" və "Karvan"a belə güzəşt edilir. Bəs, "Qəbələ"? Onun stadionu, bazası var deyə qapazaltı olmalıdır?
Başqa sözə ehtiyac yoxdur. AFFA Premyer Liqaya gələn klublara güzəşt filan etmir. Bunların hamısı gözdən pərdə asmaqdan başqa bir şey deyil. Legioner limitini ləğv edərək yerli futbolçulara ödəniləcək bonuslar üçün sistem tərtib edə bilməyən Cahangir Fərəcullayevlə Sərxan Hacıyev "Qəbələ", "İmişli", "Karvan"a güzəşt edəcək? Çox gözləyərsiniz...
İLKİN SULTANLI
Həmin gün ölkə futbolu ilə bağlı mühüm qərarlar verilmişdi. Bizim üçün vacib və yazının əmələ gəlməsinə səbəb olan məsələni diqqətinizə çatdırırıq:
"AFFA İcraiyyə Komitəsi tərəfindən 2025/26-cı illər mövsümündə Azərbaycan Premyer Liqasında komanda sayının artırılması ilə əlaqədar çempionata yüksələcək klublara infrastruktur, inzibati və digər sahələrdəki çatışmazlıqları aradan qaldırmaq üçün 1 illik möhlət verilib. Bu xüsusi qayda yalnız bu il Premyer Liqaya yüksələcək komandalara şamil ediləcək".
2024/25 mövsümünün sonunda "Qəbələ" çempion oldu, "İmişli" gümüş, "Karvan" bürünc medallara sahib çıxdı. Bunun sayəsində adı çəkilən komandalar Premyer Liqaya yüksəldi. Demək ki, bu klublara yuxarıda qeyd olunan bəndlər üzrə güzəştlər edilməlidir. Gəlin, görək kollektivlərin hansı problemləri var?
"Qəbələ"nin stadionu, bazası var. Amma maliyyə çatışmazlığından əziyyət çəkir. Bu səbəbdən də Əvəzedicilər Liqasında iştirak etmək istəmir.
Keçək "İmişli"yə! Stadionu, bazası yoxdur. Əslində var, amma standartlara uyğun deyil. Aran təmsilçisindən nə tələb olunur? Stadionu, bazanı düzəlt, əvəzedici komanda saxla, Premyer Liqada iştirak et, ev oyunlarını keçirmək üçün özünə məkan tap. Təbii ki, bunların hamısı 2,5 milyona və sponsorun ayırdığı pul hesabına edilməlidir.
Gəldik "Karvan"a! Yevlax təmsilçisi ötən mövsüm öz hesabına bazasına əl gəzdirdi. İndi də stadionunu təmir edir, ot örtüyünü dəyişir. "Ağ-qaralar" bir müddət ev oyunlarını Şamaxı şəhər stadionunda oynayacaq.
Yuxarıda sadaladığımız işlərin görülməsi üçün AFFA klublara hansısa dəstək olub? Xeyr!
Qayıdaq əsas məsələyə! AFFA Premyer Liqaya gələn klublara hansı güzəşti edir? "Qəbələ"nin pulu yoxdur. Dirəşir ki, əvəzedici komanda saxla. "İmişli"nin stadionu yoxdur. Dirəşir ki, yeni arena tik, baza qur, oynamağa məkan tap, əvəzedici komanda saxla! "Karvan" stadionunu düzəldir. Ona dirəşir ki, ot örtüyünü təbii et, Şamaxıdakı arenanın icarə haqqını ödə. Yaxşı, bunların hamısını klublar edəcəksə, AFFA-nın güzəşti nə mənə şeydir?
Yəni, sizə 1 il vaxt veririk ki, bu problemləri həll edin? Bacararsanız, çempionatda qalarsınız. Bacarmasanız, I Liqaya xoş getdin? Belə güzəşt olar?
İndi kimsə deyə bilər ki, əsas güzəşt "İmişli" və "Karvan"a edilib. Çünki onların stadionları yoxdur. Sizə Azərbaycan Futbol Klublarının Lisenziyalaşdırılması üzrə qaydalarının 35-ci maddəsinin 3 bəndini təqdim edirəm:
1. Lisenziya iddiaçısı əsas komanda və Maddə 20-ə əsasən yarışlarda iştirakı tələb olunan bütün komandaların müvafiq yarışların keçirilməsi üçün Azərbaycan
Respublikasının ərazisində yerləşən stadion(lar)a malik olmalıdır.
2. Əgər lisenziya iddiaçısı stadionun sahibi deyilsə, o zaman o, istifadə edəcəyi
stadionun mülkiyyətçisi ilə yazılı müqaviləni təqdim etməlidir.
3. Lisenziya iddiaçısı zəmanət verməlidir ki, o, ərizədə qeyd olunan lisenziyalaşdırma mövsümü ərzində göstərilən stadion(lar)dan müvafiq yarışlar
çərçivəsində ev oyunlarının keçirilməsi üçün istifadə edə bilər.
"Qəbələ"nin öz stadionu var? Bəli! "İmişli" və "Karvan" Azərbaycan Respublikasının ərazisində yerləşən stadionda çıxış edəcək? Bəli! "Araz-Naxçıvan" eyni qaydadan istifadə edərək Bakıda ev oyunlarını keçirir? Bəli! Bəs, AFFA I Liqadan Premyer Liqaya yüksələn klublara nə güzəştlər edib? Heç nə!
Tutaq ki, "İmişli" və "Karvan"a belə güzəşt edilir. Bəs, "Qəbələ"? Onun stadionu, bazası var deyə qapazaltı olmalıdır?
Başqa sözə ehtiyac yoxdur. AFFA Premyer Liqaya gələn klublara güzəşt filan etmir. Bunların hamısı gözdən pərdə asmaqdan başqa bir şey deyil. Legioner limitini ləğv edərək yerli futbolçulara ödəniləcək bonuslar üçün sistem tərtib edə bilməyən Cahangir Fərəcullayevlə Sərxan Hacıyev "Qəbələ", "İmişli", "Karvan"a güzəşt edəcək? Çox gözləyərsiniz...
İLKİN SULTANLI
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.