Dambrauskas: “Gözləntilərimiz yüksəkdir”

"Sabah" UEFA Çempionlar Liqası II təsnifat mərhələsinin ilk oyunu çərçivəsində "Bank Respublika Arena"da Finlandiyanın "KuPS" klubunu qəbul edəcək.

Sport1.az xəbər verir ki, Azərbaycan çempionunun baş məşqçisi Valdas Dambrauskas matçdan öncə keçirilən mətbuat konfransında jurnalistlərin suallarını cavablandırıb:

“Gözləntilərimiz yüksəkdir. Heyətdə zədəli futbolçu yoxdur, hamı sabah oynamağa hazırdır. Hər zamankı yanaşmamızla meydana çıxmalıyıq. Ən yaxşı keyfiyyətlərimizi göstərməyə çalışmalıyıq. Özümüz üçün, azarkeşlərimiz üçün sabah qalib gəlməliyik. Qələbə qazanmaq üçün əlimizdən gələni edəcəyik”.

- "Sabah"ın gücü Çempionlar Liqasında hara qədər getməyə imkan verir?

- Bu barədə danışmaq üçün çox tezdir. Evdə oynayırıq, favoritik. Amma öz işimizi görməliyik. Kağız üzərində kimsə üstün görünə bilər. Amma meydançada bunu sübut metmək lazımdır. Bu yol çox uzundur. Hələ ki bu barədə danışmağın mənası yoxdur. İcazə verin sabahkı oyuna köklənək.

- "Sabah" optimal formaya nə vaxt çata bilər? Komandanın hazırkı durumu sizi qane edir?

- Əgər rəqib daxili çempiontlarında 16 oyundan sonra öz optimal formasına çatıbsa, mən bunu bizim üçün deyə bilməyəcəm. Ola bilər ki, 5 oyundan və ya 10 oyundan sonra istədiyimiz formaya çata bilək. Hər mövsüm, hər rəqib fərqlidir. Bu, çox vaxt bizim özümüzdən də asılıdır. Hansı heyətin, oyun planının seçilməsi önəmlidir. Bizim üçün ən önəmli oyun qarşıdan gələn oyundur.

- Hücum xəttində rəqabətin olması məsuliyyətini artırır?

- Bəli. Əlbəttə ki, rəqabət olmalıdır. Rəqabət varsa, məşqlərdə ən yaxşı performansımızı artırmalıyıq. Öz işimi görməliyəm. Daha çox qol vurmalıyam ki, baş məşqçi məni seçsin. "KuPS" çox güclü rəqibdir. Onları təhlil edirik. Çalışacağıq ki, ən yaxşı performansımızı göstərək. İnanıram ki, sabah qalib gəlkəcəyik.