Çempionlar Liqasının finalı: Qiymətlər bəlli oldu
2025/26 mövsümünün UEFA Çempionlar Liqasının final qarşılaşması üçün bilet qiymətləri açıqlanıb.
Sport1.az xəbər verir ki, Avropanın ən nüfuzlu klub turnirinin həlledici görüşü Macarıstanın paytaxtı Budapeştdə yerləşən “Puşkaş Arena”da keçiriləcək. UEFA-nın məlumatına görə, finala vəsiqə qazanacaq hər iki komandanın azarkeşləri üçün ümumilikdə 17 200 bilet ayrılacaq.
Final oyunu üçün biletlər bir neçə kateqoriya üzrə satışa çıxarılacaq. Azarkeşlər üçün nəzərdə tutulan ən ucuz biletin qiyməti 70 avro təşkil edir. Digər kateqoriyalar üzrə qiymətlər isə belədir: üçüncü kateqoriya 180 avro, ikinci kateqoriya 650 avro, birinci kateqoriya isə 950 avro.
UEFA-nın rəsmi saytında ümumi satış üçün müraciətlərin qəbulu artıq başlayıb. Biletlər ənənəvi qaydada püşkatma yolu ilə müəyyən ediləcək. Finala ev sahibliyi edəcək stadionun tamaşaçı tutumu təxminən 67 min nəfərdir.
Xatırladaq ki, ötən mövsüm keçirilən final qarşılaşmasında PSJ İtaliyanın “İnter” komandası üzərində 5:0 hesablı qələbə qazanaraq tarixində ilk dəfə Çempionlar Liqasının qalibi olub. Cari mövsümün final matçı isə 30 may tarixində keçiriləcək.
