Çempionlar Liqasının favoriti kimdir?
UEFA Çempionlar Liqasında 1/8 final mərhələsinin ilk oyunlarından sonra turnirin favoritləri ilə bağlı yeni reytinq açıqlanıb.
Sport1.az xəbər verir ki, “Goal” portalının hazırladığı siyahıda “Bavariya” liderliyə yüksəlib. Almaniya təmsilçisi səfərdə “Atalanta” üzərində qazandığı 6:1 hesablı qələbədən sonra əsas namizəd kimi göstərilib.
Reytinqdə ikinci pillədə London təmsilçisi “Arsenal” qərarlaşıb. Üçüncü sırada son çempion “PSJ”, dördüncü mövqedə isə Madrid “Real”ı yer alıb.
İlk beşliyi “Barselona” tamamlayır. Siyahının davamında isə “Atletiko”, “Liverpul”, “Mançester Siti”, “Bodo-Qlimt” və “Qalatasaray” qərarlaşıb.
Fransa təmsilçisi PSJ-yə 2:5 hesabı ilə məğlub olan “Çelsi” isə reytinqdə geriləyərək 11-ci pillədə yer alıb.
Qeyd edək ki, Çempionlar Liqasının 1/8 final mərhələsinin cavab oyunları martın 17 və 18-də keçiriləcək.
