Het-trik etdi, ÇL-də həftənin ən yaxşısı seçildi
UEFA Çempionlar Liqasında 1/8 final mərhələsinin ilk qarşılaşmalarından sonra həftənin ən yaxşı futbolçusu müəyyənləşib.
Sport1.az xəbər verir ki, azarkeşlərin səsverməsinin nəticəsinə əsasən bu ada “Real”ın yarımmüdafiəçisi Federiko Valverde layiq görülüb.
Uruqvaylı futbolçu “Mançester Siti”yə qarşı keçirilən və Madrid təmsilçisinin 3:0 hesablı qələbəsi ilə başa çatan oyunda əsas qəhrəman olub. Valverde həmin görüşdə het-trik edərək komandasının uğurunda həlledici rol oynayıb. O, hər üç qolu matçın ilk hissəsində vurub.
Səsvermədə ikinci yeri “Atletiko”nun hücumçusu Xulian Alvares tutub. Üçüncü pillədə PSJ-nin futbolçusu Xviça Kvaratsxeliya qərarlaşıb. Dördüncü sırada isə “Bavariya”nın üzvü Maykl Olise yer alıb.
Qeyd edək ki, Çempionlar Liqasının 1/8 final mərhələsinin cavab görüşləri martın 17 və 18-də keçiriləcək.
