“Bodo-Qlimt”in uğurunun ağlasığmaz sirri bəlli olub

Norveçin “Bodo-Qlimt” klubunun son zamanlardakı uğurlarının arxasında maraqlı detal üzə çıxıb.

Sport1.az xarici mətbuata istinadən xəbər verir ki, komandanın məşqçilər korpusunda keçmiş hərbçi olan psixoloq fəaliyyət göstərir. Baş məşqçi futbolçuların böyük oyunlarda təzyiq altında çətinlik yaşadığını müşahidə etdikdən sonra yaxın dostu olan keçmiş hərbçini kollektivə cəlb edib.

Məqsəd oyunçuların psixoloji dayanıqlığını artırmaq və gərgin anlarda düzgün qərarvermə bacarığını inkişaf etdirmək olub. Psixoloq futbolçularla xüsusi sessiyalar keçirərək onlara təzyiq altında qalib gəlmək düşüncəsini aşılayıb.

Qeyd olunur ki, bu yanaşma komandanın beynəlxalq arenadakı çıxışında da özünü göstərib. “Bodo-Qlimt” Çempionlar Liqasında 1/8 final mərhələsinə qədər irəliləyib və turnir ərzində “Atletiko”, “Mançester Siti” və “İnter” kimi nəhənglər üzərində qələbələrlə diqqət çəkib.