Çempionlar Liqasında ən yaxşılar bəlli oldu
UEFA Çempionlar Liqasının rəsmi səhifəsi həftənin ən yaxşı futbolçularından ibarət simvolik “11-liy”i açıqlayıb.
Sport1.az xəbər verir ki, X sosial şəbəkəsində yayımlanan siyahıda müxtəlif klubların təmsilçiləri yer alıb.
Qapıda “Atletiko”nun qolkiperi Yan Oblak qərarlaşıb. Müdafiə xəttində “Atalanta”dan Davide Zappakosta, “Bodo-Qlimt”dən Odin Börtuft, “Bayer”dən Edmond Tapsoba və “Yuventus”dan Ueston Makenni yer alıb.
Yarımmüdafiədə “Real”dan Orelyen Tçuameni və “Nyukasl”dan Sandro Tonali seçilib. Hücum xəttində isə PSJ-nin Xviça Kvaratsxeliyası, “Bodo-Qlimt”in Yens Petter Högesi, “Qalatasaray”ın Viktor Osimheni və “Atletiko”nun Aleksander Sörlotu qərarlaşıb.
Qeyd edək ki, cari mövsümün finalı 30 may 2026-cı ildə Budapeştdə yerləşən “Puşkaş Arena”da keçiriləcək.
