"Kəpəz" qış fasiləsində heyətində qatdığı futbolçu ilə yolları ayırmaq istəyir? - RƏSMİ AÇIQLAMA
Bir neçə gün öncə "Kəpəz"in üzvü Veysəl Rzayev Gəncədə bıçaqlanıb.
Bu hadisə ölkə futbolu yeni gündəmin yaranmasına səbəb oldu. Bir çoxları "sarı-göylər"i intizamsızlıqda qınadı. Digərləri oyunçunun məsuliyyətsiz olduğunu dilə gətirdi.
Redaksiyamıza Veysəl Rzayevin gələcək karyerası ilə bağlı informasiya daxil olub. Gəncə təmsilçisi yarımmüdafiəçinin mövsümün sonuna kimi komandaya fayda verməyəcəyini düşünür. Bu səbəbdə "Kəpəz" Veysəl Rzayevlə yolları ayırmaq niyyətindədir. "Sarı-göylər" daxili nizam-intizam qaydalarını pozduğunu əsas gətirərək 23 yaşlı futbolçu ilə müqaviləyə xitam vermək niyyətindədir.
İnformasiyanı dəqiqləşdirmək üçün "Kəpəz"in mətbuat xidmətinin rəhbəri Gəray Qiyasova müraciət etdik. Klub rəsmisi mövzu ilə bağlı Sport1.az-a açıqlamasında bunları söylədi:
"Hazırda bizi düşündürən Veysəl Rzayevin sağlamlığıdır. Əsas odur ki, sağalsın, ayağa qalxsın".
Qeyd edək ki, Veysəl Rzayevi "Kəpəz" qış fasiləsində heyətin qatıb. Yarımmüdafiəçi mövsümün əvvəlində "Turan Tovuz"da çıxış edirdi.
MƏHƏMMƏD HÜSEYNOV
