"Zirə" üçün reallıqlar və risklər - YAZI

Açıq-aşkar görsənməsə də, "Zirə" bu mövsüm çempionluq mübarizəsi aparır.

Meydanda sərgilədikləri sistemli oyun komandanın ən pis halda gümüş medalı hədəflədiyini göstərir. Bəli, "Qarabağ” və “Sabah” çempionluğa əsas favoritlərdir. Amma bu heyət və sistemlə "Zirə"nin sürprizə imza atması mümkündür.

Rəşad Sadıqovun oyun fəlsəfəsi illərdir eynidir: topu itirməmək, fürsət düşəndə maksimal dərəcədə yararlanmaq. Sistem oturuşub, amma yeni problem var: rəqiblər artıq "Zirə"nin necə oynadığını təxmin edə bilir. 

Başqa problem zədə ilə bağlıdır. Məhz bu səbəbdən Rəşad Sadıqov oynatmağa hücumçu tapmır. Heyətə yeni futbolçular cəlb olunmasa, qış fasiləsindən sonrakı sıx qrafik avrokubok xəyalının üstündən xətt çəkə bilər. "Transfer pəncərəsi" "Zirə" üçün vacib olacaq. 1-2 keyfiyyətli futbolçu həm seçim şansını, həm də oyunçular arasında rəqabət artırar. 

"Zirə" üçün önəmli dövr başlayır. Komanda bu mərhələdə hər oyunu final kimi qəbul baxmalıdır. Maliyyənin az, futbolçuların zədəli olduğu bu məqamda intizam Rəşad Sadıqovun kollektivi üçün faydalı olacaq.

MƏHƏMMƏD HÜSEYNOV