“Real Madrid”li futbolçu doğma köklərinə sadiq qaldı
“Real Madrid”in yarımmüdafiəçisi Eduardu Kamavinqa Afrika Millətlər Kuboku–2025-də Anqola yığmasına dəstək verdiyini açıqlayıb.
Sport1.az xəbər verir ki, fransalı futbolçu turnirlə bağlı danışarkən favoritinin məhz bu komanda olduğunu bildirib: “Afrika Millətlər Kubokunda Anqolaya azarkeşlik edirəm. Ötən yarışda da onları izləmişdim və kollektiv yaxşı çıxış etmişdi. Düşünürəm ki, bu il də uğur qazanmaq şansları var”.
Qeyd edək ki, Kamavinqa Anqolada anadan olub. O, bir yaşında olarkən ailəsi ilə birlikdə Fransaya köçüb və futbol karyerasını həmin ölkədə davam etdirib.
Xatırladaq ki, Afrika Millətlər Kuboku–2025 Mərakeşdə keçirilir. Turnirdə ilk oyununda Cənubi Afrikanı 2:1 hesabı ilə məğlub edən Anqola növbəti görüşünü dekabrın 26-da Zimbabve seçməsinə qarşı keçirəcək.
