Sneyder futbolda Messi və Ronaldodan sonrakı dövrün liderlərini açıqladı
Madrid “Real”ının və Niderland millisinin sabiq futbolçusu Uesli Sneyder Lionel Messinin və Kriştiano Ronaldonun karyeranı bitirdikdən sonra dünya futboluna kimin hakim olacağı barədə fikirlərini bölüşüb.
Sport1.az Marca-ya istinadən xəbər verir ki, Sneyder yeni dövrün əsas ulduzlarının artıq formalaşdığını deyib:
“Messi və Kriştiano Ronaldo futboldan getdikdən sonra insanlar daha çox Mbappe, Vinisius və Lamin Yamal haqqında danışacaqlar. Hər şey nəsillərlə bağlıdır. Maradona karyeranı bitirəndə də səhnəyə başqa oyunçular çıxmışdı. Öz karyerama baxanda anlayıram ki, bizim dövrdə məsuliyyət daha çox idi. İndi isə elə bir yer yoxdur ki, səni kimsə görməsin. Görən kimi də bundan istifadə edirlər, kameraya çəkirlər, xəbərlərə çıxır. Əvvəllər belə deyildi”.
