Yüksək Liqada 5-ci tura start verilir
Bu gün qadın və kişi voleybolçular arasında Azərbaycan Yüksək Liqasında 5-ci tur start götürəcək.
Sport1.az xəbər verir ki, ilk oyun günündə 4 görüş baş tutacaq.
Kişilərin yarışında əvvəlcə “Azərreyl” “Neftçi” ilə üz-üzə gələcək. Qarşılaşma Azərbaycan Voleybol Federasiyasının idman zalında, saat 16:00-da başlayacaq.
Saat 17:00-da “Xilasedici” “Murov Az Terminal”la görüşəcək. Bu oyun Fövqəladə Hallar Nazirliyinin idman zalında baş tutacaq.
“Abşeron” Olimpiya İdman Kompleksində isə “Gənclər” “Ordu” ilə münasibətlərə aydınlıq gətirəcək. Bu görüş də saat 17:00-da start götürəcək.
Qadınların mübarizəsində isə bir oyun keçiriləcək. “DH Volley” “Gənclər”lə üz-üzə gələcək. Matç Azərbaycan Voleybol Federasiyasının idman zalında, saat 18:00-da başlayacaq.
