Azərbaycan boksçuları Dünya kubokunda mübarizə aparacaqlar

Dekabrın 3-də Rusiyanın Yuqorsk şəhərində neft ölkələri arasında boks üzrə Dünya kuboku start götürəcək.

Sport1.az xəbər verir ki, bu barədə Azərbaycan Boks Federasiyasının mətbuat xidməti məlumat yayıb. Dörd gün davam edəcək turnirdə Azərbaycan millisi də mübarizə aparacaq.

Sibirdə nefti kəşf edən həmyerlimiz Fərman Salmanovun xatirəsinə həsr olunan yarışda komanda məşqçi Rafiq İsmayılovun rəhbərliyi altında çıxış edəcək. Rinqə Yadigar Əliyev, Ramal Yolçiyev (hər ikisi 51 kq), Mətin Məmmədov (57 kq), Əli Miriyev (60 kq), Ruslan Bayramov (63,5 kq), Malik Həsənov (67 kq), Novruzəli Quliyev və Rasim Çobanlı (hər ikisi 75 kq) çıxacaqlar.

Turnirdə ölkəmizi referi kimi Anar Nağdıyev təmsil edəcək.

Qeyd edək ki, Dünya kubokunda 15 ölkənin boksçuları mübarizə aparacaq.