Əfsanəvi kapitan “Liverpul”un durumunu dəyərləndirdi
“Liverpul”un sabiq kapitanı Stiven Cerrard komandanın cari mövsümdə yaşadığı çətinlikləri dəyərləndirib və vəziyyəti böhran kimi xarakterizə etməyin düzgün olmadığını bildirib.
Sport1.az xəbər verir ki, tanınmış mütəxəssis açıqlamasında ardıcıl zəif nəticələrə toxunaraq deyib:
“Belə ağır məğlubiyyətlərdən sonra böhrana bir addım daha yaxınlaşırsan. Amma mən bu ifadəni işlətməyi sevmirəm. Mənim üçün böhran o vaxtdır ki, klubun zirvəyə qayıtması illər çəkir. Məncə, “Liverpul” hazırda belə bir vəziyyətdə deyil”.
Cerrard komandanın mövcud problemlərini isə danılmaz hesab edib:
“Əgər mövsümdə artıq yanvar və ya fevral ayları olsaydı, bəlkə də böhrandan danışmaq olardı. Hələlik yox. Amma bununla belə, “Liverpul”un ciddi problemləri var. Komanda çox ağır dövrdən keçir”.
Qeyd edək ki, mersisayd təmsilçisi cari mövsümdə bütün turnirlər üzrə 9 məğlubiyyət alıb və Çempionlar Liqasının 5-ci turunda PSV-yə evdə 1:4 hesabı ilə uduzub.
