Qvardiola Donnarummanı niyə “xüsusi” hesab etdiyini açıqladı

“Mançester Siti”nin baş məşqçisi Pep Qvardiola komandanın qapıçıları Ceyms Trafford və Canluici Donnarumma haqqında fikirlərini bölüşüb.

Sport1.az xəbər verir ki, ispaniyalı mütəxəssis BBC-yə açıqlamasında hər iki qolkiperin yüksək potensiala sahib olduğunu vurğulayıb:

“Bizim iki inanılmaz qapıçımız var — Cici və Ceyms. Traffordun akademiyanı tərk etdikdən sonra necə inkişaf etdiyini görmək məni həqiqətən təəccübləndirdi.

Donnarumma ilə bağlı isə bir həqiqət var: əgər 17 yaşında “Milan”da əsas heyətdə meydana çıxırsansa, deməli, sən xüsusi futbolçusan. Komandadakı bütün oyunçular Dünya Çempionatına vəsiqə qazandılar və ümid edirəm ki, Cici bunu edən sonuncu olacaq”.

Qvardiola Donnarummanın uyğunlaşması barədə də danışıb:

“Fiziki baxımdan vəziyyəti əladır. Ondan daha güclü futbolçu tanımıram. Son zamanlar komanda ümumilikdə inkişaf edir, bu da qapıçılara böyük kömək olur”.