
AFFA-nın baş katibinin müavini Elçin Məmmədov UEFA-nın Nyon şəhərindəki baş qərargahında keçirilən Klubların Lisenziyalaşdırma Komitəsinin iclasında komitə üzvü kimi iştirak edib.
Sport1.az xəbər verir ki, tədbirdə bir sıra vacib mövzular müzakirə olunub. Gündəlikdə UEFA Klub Lisenziyalaşdırma və Maliyyə Dayanıqlığı ilə bağlı yeniliklər, klub sahibliyinə dair məsələlər, 2025/2026 mövsümündə Həmrəylik Mexanizminin tətbiqi, Maliyyə Dayanıqlığı Qaydalarının keçid dövrünün başa çatması, eləcə də tibbi və antidopinq tələbləri yer alıb.
İclas zamanı bu sahələr üzrə yenilənmiş qaydalar, növbəti mövsüm üçün planlaşdırılan addımlar və klub futbolunun daha da inkişaf etdirilməsi ilə bağlı strateji istiqamətlər müzakirə edilib.
