De la Fuente zədələnən Yamalın yerinə yeni hücumçu çağırdı

İspaniya millisinin baş məşqçisi Luis de la Fuente DÇ-2026-nın seçmə mərhələsi üçün heyətdə dəyişiklik edib.

Sport1.az xəbər verir ki, “Barselona”nın yarımmüdafiəçisi Lamin Yamal zədə səbəbindən yığmanın heyətindən çıxarılıb. Onun əvəzinə “Rayo Valyekano”nun hücumçusu Xorxe de Frutos milliyə çağırılıb.

İspaniya Kral Futbol Federasiyasının məlumatına görə, Yamal qasıq nahiyəsində ağrılarla bağlı invaziv radiotezlik proseduru keçib, lakin bu barədə milli komandanı məlumatlandırmayıb. Buna görə də o, qarşıdakı oyunlarda iştirak etməyəcək.

İspaniya yığması seçmə mərhələdə növbəti matçını noyabrın 15-də Gürcüstanla, noyabrın 18-də isə Türkiyə ilə keçirəcək. Hər iki oyun DÇ-2026-nın Avropa zonası üzrə E qrupuna daxildir.

28 yaşlı Xorxe de Frutos ilk dəfə milliyə dəvət alıb. “Real”ın yetirməsi olan futbolçu cari mövsümdə “Rayo Valyekano”nun heyətində bütün turnirlərdə 16 oyunda 6 qol və 3 məhsuldar ötürmə ilə yadda qalıb.