“Dözümlülüyün və iradənin zirvəsi – IRONMAN 70.3 ilk dəfə Bakıda!”

5-6 sentyabr 2026-cı ildə paytaxtımızda keçiriləcək.

Sport1.az xəbər verir ki, dünyanın ən nüfuzlu idman seriyalarından biri olan IRONMAN, bu dəfə Xəzərin sahilində minlərlə idmançı və tamaşaçını bir araya gətirəcək.

Yarış üç əsas mərhələdən ibarət olacaq:

1.9 km üzgüçülük – Xəzər dənizində, bulvar boyunca;

90 km velosiped – Bakının mərkəzi küçələri və açıq yollar üzərində;

21.1 km qaçış – dənizkənarı bulvarda, minlərlə azarkeşin dəstəyi ilə.

Əlavə olaraq, hər kəs üçün maraqlı tədbirlər təşkil olunacaq:

Fun Run 5 km – əyləncəli həvəskar qaçışı,

IRONKIDS – 3–15 yaş arası uşaqlar üçün 500 m məsafəli yarış,

IRONMAN EXPO – rəsmi məhsullar, idman ləvazimatları və əyləncə zonası.


Bu möhtəşəm idman bayramı Bakını beynəlxalq triatlon xəritəsinə salacaq və şəhərin idman mərkəzi kimi nüfuzunu daha da gücləndirəcək.

Yarışın şüarı belədir:
“Dözümlülük, iradə və qürur – IRONMAN 70.3 Bakıda tarix yazacaq!”