“Gəncə” klubunun məşqçilər korpusu məlum oldu

“Gəncə” basketbol klubu yeni mövsüm üçün məşqçilər korpusunu açıqlayıb.

Sport1.az klubun mətbuat xidmətinə istinadən xəbər verir ki, baş məşqçi Halil Atlıya üç mütəxəssis kömək edəcək.

Uzun illər “Gəncə” kollektivində fəaliyyət göstərən əməkdar məşqçi Rizvan Səfərov heyətdə yenidən yer alıb. Onun yanında isə iki yeni assistent məşqçi işə başlayacaq: Türkiyəli mütəxəssislər Mustafa Göktürk Yıldız və Yusuf Aydilek. Hər iki çalışdırıcı karyerasında ilk dəfə Azərbaycan klubu ilə əməkdaşlıq edəcək.

Yusuf Aydilek son olaraq Türkiyənin 2-ci liqasında çıxış edən “Konya Gelişim” komandasının baş məşqçisi olub. Mustafa Göktürk isə U-14 səviyyəsində “Mersin” klubunu çalışdırıb.