Yazı / Manşet
12:36
12.08.2025
179
“Qarabağ” hücumçusuz oynasın - KÖŞƏ
“Qarabağ”ın Çempionlar Liqası macərası davam edir.
Ağdam təmsilçisi bu gün Avropanın əsas turnirində növbəti matçına çıxacaq. “Köhlən atlar” ÇL-in III təsnifat mərhələsinin cavab oyununda “Şkendiya”nı qəbul edəcək. Skopyedəki ilk qarşılaşma təmsilçimizin xeyrinə başa çatmışdı – 1:0. Həmin görüşdə komanda yaxşı performans göstərsə də, qol vurmaqda çətinlik çəkirdi. Hücumlar qurulur, rəqib qapısına təzyiq edilir, amma top qapıdan keçmirdi. Səbəb isə Ağdam təmsilçisinin vuran ayağının olmamasıdır. Hücumçu kimi çıxış edən Nəriman Axundzadə əldə etdiyi şansları boşa verir.
Qurban Qurbanovun yerli futbolçuya şans verməsi, milli ruhu önə çıxarması təqdirəlayiqdir. Lakin futbol artıq başqa mərhələdədir – indi nəticə dövrüdür. Nəriman Axundzadə ilə nəticə qazanmaq mümkün olmur. Klub rəhbərliyi də hücumçu transfer etmir. Onların dediyinə görə, axtarışlar nəticəsiz qalır. Sanki bu, mənim günahımdır. Milyonlarla oyunçunun satışa çıxarıldığı transfer bazarında “Qarabağ”ın bəyəndiyi, şərtlərinə uyğun hücumçu tapılmır – a kişi!
Nə isə, mövzudan uzaqlaşmayaq. Hücumçu tapılmırsa, alternativ variantlar düşünməliyik. Qurban Qurbanov nə edə bilər? Musa Qurbanlını oynatsın? O da hələ hazır deyil, İsveçdəki ağır günlərin psixoloji təsirindən tam çıxmayıb. Orada çox əziyyət çəkdi. Bəs, Qurban müəllim hücumda kimi oynatsın?
Məncə, “Qarabağ” oyunlara hücumçusuz çıxa bilər. Addai nominal forvard kimi oynasın. Yankoviç də sağalıb. Müdafiə xətti olduğu kimi qalsın. Yarımmüdafiədə Pedro dayaq, Marko isə “8 nömrə” rolunda çıxış etsin. Zubir sol, Leandro sağ vinger, Kadi isə pleymeyster olsun. Addai isə hücumçu funksiyasını yerinə yetirsin. Tək problem – qanalı futbolçunun boyunun nisbətən balaca olmasıdır. Onsuz da 185 sm-lik Nəriman ayaqla normal oynamır, heç olmasa Addai burada nəsə edə bilər. Axı Karlos Tevezin də boyu balaca idi, amma əsl hücumçu idi.
“Şelburn” və “Şkendiya” səviyyəsindəki komandaları Nərimanla keçmək olar. Amma “Ludoqorets” və “Ferentsvaroş” kimi rəqiblər qaçırılan şansları bağışlamaz. Klub rəhbərliyi də bunu bilir, amma hücumçu almır – ya da ala bilmir. Əgər Nəriman azarkeşlərin əsəbləri ilə oynamağa davam edəcəksə, o zaman onun yerinə Addai oynasın!
İLKİN SULTANLI
Ağdam təmsilçisi bu gün Avropanın əsas turnirində növbəti matçına çıxacaq. “Köhlən atlar” ÇL-in III təsnifat mərhələsinin cavab oyununda “Şkendiya”nı qəbul edəcək. Skopyedəki ilk qarşılaşma təmsilçimizin xeyrinə başa çatmışdı – 1:0. Həmin görüşdə komanda yaxşı performans göstərsə də, qol vurmaqda çətinlik çəkirdi. Hücumlar qurulur, rəqib qapısına təzyiq edilir, amma top qapıdan keçmirdi. Səbəb isə Ağdam təmsilçisinin vuran ayağının olmamasıdır. Hücumçu kimi çıxış edən Nəriman Axundzadə əldə etdiyi şansları boşa verir.
Qurban Qurbanovun yerli futbolçuya şans verməsi, milli ruhu önə çıxarması təqdirəlayiqdir. Lakin futbol artıq başqa mərhələdədir – indi nəticə dövrüdür. Nəriman Axundzadə ilə nəticə qazanmaq mümkün olmur. Klub rəhbərliyi də hücumçu transfer etmir. Onların dediyinə görə, axtarışlar nəticəsiz qalır. Sanki bu, mənim günahımdır. Milyonlarla oyunçunun satışa çıxarıldığı transfer bazarında “Qarabağ”ın bəyəndiyi, şərtlərinə uyğun hücumçu tapılmır – a kişi!
Nə isə, mövzudan uzaqlaşmayaq. Hücumçu tapılmırsa, alternativ variantlar düşünməliyik. Qurban Qurbanov nə edə bilər? Musa Qurbanlını oynatsın? O da hələ hazır deyil, İsveçdəki ağır günlərin psixoloji təsirindən tam çıxmayıb. Orada çox əziyyət çəkdi. Bəs, Qurban müəllim hücumda kimi oynatsın?
Məncə, “Qarabağ” oyunlara hücumçusuz çıxa bilər. Addai nominal forvard kimi oynasın. Yankoviç də sağalıb. Müdafiə xətti olduğu kimi qalsın. Yarımmüdafiədə Pedro dayaq, Marko isə “8 nömrə” rolunda çıxış etsin. Zubir sol, Leandro sağ vinger, Kadi isə pleymeyster olsun. Addai isə hücumçu funksiyasını yerinə yetirsin. Tək problem – qanalı futbolçunun boyunun nisbətən balaca olmasıdır. Onsuz da 185 sm-lik Nəriman ayaqla normal oynamır, heç olmasa Addai burada nəsə edə bilər. Axı Karlos Tevezin də boyu balaca idi, amma əsl hücumçu idi.
“Şelburn” və “Şkendiya” səviyyəsindəki komandaları Nərimanla keçmək olar. Amma “Ludoqorets” və “Ferentsvaroş” kimi rəqiblər qaçırılan şansları bağışlamaz. Klub rəhbərliyi də bunu bilir, amma hücumçu almır – ya da ala bilmir. Əgər Nəriman azarkeşlərin əsəbləri ilə oynamağa davam edəcəksə, o zaman onun yerinə Addai oynasın!
İLKİN SULTANLI
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.