"Azərbaycan yığması üçün gileylənməyə dəyməz" - Marko Rossi

Yoldaşlıq görüşündə millimiz Macarıstana 1:2 hesabı ilə məğlub oldu.

Sport1.az xəbər verir ki, qarşılaşmadan sonra qonaqların çalışdırıcısı Marko Rossi mətbuat konfransında iştirak etdi

Mütəxəssis jurnalistlərin suallarını cavablandırdı...

- Azərbaycan yığmasından gözləntiləriniz nə idi? Sürprizlə qarşılaşdınız?
- ⁠Dünən də vurğulamışdım, rəqibə hörmətlə yanaşırdıq. Oyunu diqtə etməyə çalışırdıq. 85-ci dəqiqəyə qədər bunu bacardıq. Son 10 dəqiqədə Azərbaycan millisi üstünlüyə yiyələndi. Azərbaycan yığması üçün gileylənməyə dəyməz. Yaxşı rəqib idilər. Lakin statistika bizim tərəfimizdə idi.

- Buraxdığınız qolu necə dəyərləndirirsiz? Sanki top ələ dəymişdi…
- ⁠Texniki zonadan görünmürdü. Təkrarına baxdıq, ələ dəydiyi göründü. Təəssüf ki, VAR bu gün çalışmırdı.

- Bu gün fərqli sistemlə çıxış etdiniz. Nəticədən və oyundan razı qaldınız?
- ⁠Yaxşı oynadıq. Kifayət qədər epizod yaratdıq. Oyunun ritmini əlimizdə saxladıq. Komandamdan razı qaldım. Yalnız son 10 dəqiqədə çaşbaşlıq var idi.

- Matçda 2 qapıçıdan istifadə etdiniz. Çıxışlarından razı qaldınız?
- ⁠Hər ikisi yaxşı, səhvsiz oynadı. Gənc qolkiperi oyuna salmağımız öncədən planlaşdırılan dəyişiklik idi.