Millimizin Avropa çempionatı üçün heyəti - SİYAHI

Qadın voleybolçulardan ibarət Azərbaycan millisinin Avropa çempionatı üçün ilkin heyəti açıqlanıb.

Sport1.az xəbər verir ki, baş məşqçi Faiq Qarayev təlim-məşq toplanışına 16 oyunçu cəlb edib.

Toppaylayıcılar: Kristina Besman (“Omiçka”, Rusiya), Raziyə Əliyeva (“DH Voley”), Nataliya Solovyeva (“Murov AZ Terminal”);

Hücumçular: Polina Rəhimova (“Panionios”, Yunanıstan), Yelizaveta Ruban (“Leninqradka”, Rusiya), Marqarita Stepanenko (UNEC), Nərmin Musayeva (“Gəncə”), Ülkər Kərimova (“Turan”), İlhamə Əzimova (“Azərreyl”), Kseniya Pavlenko (“Milli Aviasiya Akademiyası”);

Orta oyunçular: Ayşən Abduləzimova (“Turan”, kapitan), Aynur İmanova (“DH Voley”), Mariya Kirilyuk (“Yenisey”, Rusiya);

Liberolar: Yuliya Kərimova (“Turan”), Bəyaz Quliyeva (“DH Voley”), Ceyran İmanova (“DH Voley”).

Qeyd edək ki, Avropa çempionatı Azərbaycan, Türkiyə, Çexiya və İsveçin birgə ev sahibliyi ilə avqustun 21-dən sentyabrın 6-dək keçiriləcək. Azərbaycanda C qrupunun oyunları keçiriləcək. Bu qrupda Azərbaycan, Portuqaliya, Niderland, Belçika, Rumıniya və İspaniya milli komandaları mübarizə aparacaqlar. Bakıdakı qarşılaşmalar 21-28 avqust tarixlərində Milli Gimnastika Arenasında təşkil olunacaq.