Yüksək Liqa: Yarımfinal mərhələsinə start verilib

Kişi voleybolçular arasında Azərbaycan Yüksək Liqasında yarımfinal mərhələsinə start verilib.

Sport1.az xəbər verir ki, ilk oyun günündə iki qarşılaşma baş tutub.

Günün ilk matçında “Murov Az Terminal” “Xilasedici” ilə üz-üzə gəlib. Görüş “Xilasedici” komandasının 3:0 hesablı qələbəsi ilə yekunlaşıb.

“Ordu” isə “Neftçi”dən üstün olub - 3:0 (25:12, 25:14, 25:16).

Qeyd edək ki, reqlamentə əsasən, yarımfinal mərhələsi ev və səfər prinsipi ilə iki oyundan ibarət olacaq. İki qarşılaşmanın nəticəsinə görə komandaların qələbə sayı bərabər olarsa, qalibi müəyyənləşdirmək üçün “qızıl set” oynanılacaq. Bürünc və qızıl medal uğrunda həlledici qarşılaşmalar isə cəmi bir oyundan ibarət olacaq.