“Azərreyl” 25 yaşını qeyd edir: Şanlı tarixə baxış

“Azərreyl” voleybol klubu 25 illik yubileyi ilə bağlı rəsmi səhifəsində paylaşım edib.

Sport1.az xəbər verir ki, paylaşımda klubun zəngin tarixə malik olduğu vurğulanıb, bu illər ərzində qazanılan çoxsaylı qələbələrin, çempionluqların və beynəlxalq arenada əldə edilən uğurların böyük qürur mənbəyi olduğu qeyd olunub.

Klub rəhbərliyi çıxışında “Azərreyl”in böyük bir ailə olduğunu bildirərək, bu yolda əməyi keçən bütün oyunçulara, məşqçilərə və azarkeşlərə dərin minnətdarlığını ifadə edib.

Bildirilib ki, gələcək uğurlar da məhz bu güclü təməl üzərində qurulacaq və klubun nailiyyətləri daha da artacaq.

Sonda isə “Azərreyl” voleybol klubunun 25 illik yubileyi münasibətilə təbrik ünvanlanıb.