“Turan” və “DH Volley” yarımfinalda

Bu gün qadın voleybolçuların Yüksək Liqasında 1/4 final mərhələsinin ikinci oyunları keçirilib.

Sport1.az xəbər verir ki, “Turan” komandası Tovuz OİK-də “Murov Az Terminal”ı, “DH Volley” isə Bakıda GİN-in Voleybol Mərkəzində “Azərreyl” klubunu qəbul edib.

İlk oyunda olduğu kimi, bu qarşılaşmalarda da “Turan” (3:0) və “DH Volley” (3:0) qalib gəliblər.

Beləliklə, 1/4 final mərhələsində hər iki oyunda qələbə qazanan “Turan” və “DH Volley” komandaları yarımfinala yüksəlib.

Qeyd edək ki, aprelin 3-də 1/4 final mərhələsi çərçivəsində “Milli Aviasiya Akademiyası” klubu “Abşeron”la, “Gəncə” isə UNEC komandası ilə cavab oyununa çıxacaq.