Azərbaycan voleybolçularından uğursuz çıxış

18 yaşadək voleybolçu qızlardan ibarət Azərbaycan yığması Avropa çempionatının II təsnifat mərhələsində mübarizəsini başa vurub.

Sport1.az xəbər verir ki, martın 27-də İspaniyanın Kadis şəhərində start götürən yarışda C qrupunda yer alan komandamız meydan sahibi ilə yanaşı, Estoniya və Niderland yığmaları ilə qarşılaşıb. Millimiz hər üç görüşdə məğlub olub.

Qeyd edək ki, AVRO-2026-nın ikinci təsnifat mərhələsində 20 komanda 5 qrupda mübarizə aparıb və qrup birinciləri qitə çempionatının final mərhələsinə vəsiqə qazanıb.

2026 Avropa Çempionatı (2-ci təsnifat mərhələsi)

C qrupu

Oyunların nəticəsi

27 mart

İspaniya –  Azərbaycan 3:0 (25:10, 25:19, 25:17)

28 mart

Niderland –  Azərbaycan 3:0 (25:11, 25:12, 25:16)

29 mart

 Azərbaycan –  Estoniya 0:3 (15:25, 20:25, 15:25)