"Futbolçular çaşqınlıq içindədirlər"

"Tottenhem"in sabiq baş məşqçisi Ange Postekoqlu Çempionlar Liqasının 1/8 finalının ilk oyunları çərçivəsində "Atletiko"ya uduzduqları matç (2:5) və komandanın hazırkı forması barədə danışıb.

Sport1.az goal.com-a istinadən xəbər verir ki, mütəxəssis narahatlığını ifadə edib:

"Bunu görmək ürəkağrıdıcıdır. Oyunçular hazırda tamamilə çaşqınlıq içindədirlər. Onlar açıq-aydın təzyiq altındadırlar və bu, həqiqətən də çətin bir dövrdür.

"Atletiko" kimi bir komandaya qarşı səfərdə oynamaq çox çətindir. Dəhşətli bir başlanğıc idi. Heç kim obyektiv şəkildə deyə bilməz ki, bu futbolçular ən yaxşı oyunlarını göstərirlər. Amma onlara təzyiqi azaltmağa çalışmalıyıq".