“Qarabağ”ın futbolçusu Super Liqa klubunun hədəfində

“Qarabağ”ın futbolçusu Emmanuel Addai Türkiyə Super Liqasında çıxış edə bilər.

Sport1.az xəbər verir ki, bu barədə “Bbnhaber” nəşri məlumat yayıb. 24 yaşlı qanalı vinger “Konyaspor”un maraq dairəsindədir. Super Liqa təmsilçisinin yeni baş məşqçisi Çağdaş Atan sol cinahı gücləndirmək üçün müxtəlif variantları dəyərləndirir.

Konya klubu hədəflərindən biri kimi Ağdam təmsilçisinin cinah oyunçusunu transfer siyahısında saxlayır.

Qeyd edək ki, Emmanuel Addai bu mövsüm “Qarabağ”ın heyətində 28 oyunda meydana çıxıb və 4 dəfə fərqlənib. Onun klubla müqaviləsi mövsümün sonuna qədər qüvvədədir.