“Neftçi”nin futbolçusu Türkiyə klublarının hədəfində – İDDİA

Türkiyənin iki klubu “Neftçi”nin qapıçısı Kenan Piriçlə maraqlanır.

Sport1.az xəbər verir ki, bu barədə məşhur insayder Rudi Qaletti məlumat yayıb. Mənbənin sözlərinə görə, Super Liqa təmsilçiləri “Antalyaspor” və “Qaziantep” bosniyalı qolkiperin durumu ilə bağlı məlumat alıblar.

Bildirilir ki, hər iki klub Kenan Piriçin cari mövsümdəki çıxışını diqqətlə izləyir və yaxın dövrdə məsələ ilə bağlı daha konkret addımlar ata bilər. Xüsusilə “Antalyaspor”un qapıçının geri dönüş variantını nəzərdən keçirdiyi qeyd olunur. Piriç daha əvvəl məhz bu klubun formasını geyinib.

Qeyd edək ki, Kenan Piriç ötən yay “Neftçi”yə transfer olunub. Onun Bakı klubu ilə müqaviləsi 2027-ci ilin yayına qədər qüvvədədir.