İngiltərədə ayın ən yaxşı baş məşqçisi açıqlandı

İngiltərə Premyer Liqasında noyabr ayının ən yaxşı baş məşqçisi müəyyənləşib.

Sport1.az xəbər verir ki, bu ada “Çelsi”nin çalışdırıcısı Enzo Mareska layiq görülüb. Bu barədə Premyer Liqanın mətbuat xidməti məlumat yayıb.

London təmsilçisi noyabr ayında çempionatda keçirdiyi 4 oyunda 3 qələbə qazanıb, 1 heç-heçə edib. “Çelsi” “Tottenhem”i 1:0, “Vulverhempton”u 3:0, “Börnli”ni isə 2:0 hesabı ilə məğlub edib, “Arsenal”la qarşılaşma isə 1:1 hesablı heç-heçə ilə yekunlaşıb.

Qeyd edək ki, Enzo Mareskanın bu ay üzrə rəqibləri “Arsenal”dan Mikel Arteta, “Aston Villa”dan Unai Emeri, “Mançester Siti”dən Xosep Qvardiola, “Brayton”dan Fabian Hürzeler və “Fulhem”dən Marko Silva olub.

Hazırda “Çelsi” Premyer Liqanın turnir cədvəlində 15 oyundan sonra topladığı 25 xalla 5-ci pillədə qərarlaşıb.