Roi Kehat özünü xoşbəxt hiss edir – AÇIQLAMA

Misli Premyer Liqasının 14-cü turunda "Sumqayıt" "İmişli"ni məğlub etdi - 1:0.

Qarşılaşmadan sonra "kimyaçılar"ın üzvü Roi Kehat Sport1.az-a açıqlamasında qələbəni belə şərh etdi:

"Üç xalı qazandığımız üçün çox şadam. Daha erkən qol vurmalı idik. Oyun çətin keçdi. Qarşı tərəf çox intizamlı komanda idi. Amma bu oyunda qələbə qazanmaq vacib idi. Növbəti matça ciddi hazırlaşmalıyıq. Bu qələbə avrokuboklar zonasına yüksəlməyimiz üçün çox önəmli idi. Növbəti oyunlardakı rəqiblərimizi bilirik. Qarşıda bizi 2 çətin oyun gözləyir. Bu görüşdə qalib gəlməli olduğumuzu bilirdik. Qələbə qazanmaq əsas məqsədimiz idi. Buna nail olduğumuz üçün xoşbəxtəm".

İsrailli oyunçu "Neftçi" ilə qarşılaşacaqları görüş barədə də fikirlərini bildirdi:

"Növbəti rəqibimiz güclü və təcrübəli komandadır. Onlar ev oyunlarında həmişə yaxşı çıxış edirlər. Bu qarşılaşma bizim üçün asan olmayacaq. Öz oyunumuza fokuslanmışıq və qalib gəlmək üçün əlimizdən gələni edəcəyik. Hazırlıqlarımız yaxşı gedir və komandada əhval-ruhiyyə yüksəkdir. Hər iki kollektiv üçün vacib oyun olacaq. Bu görüşə maksimum gücümüzlə hazırlaşacağıq".

MƏHƏMMƏD HÜSEYNOV