"Neftçi" azarkeşlərinə görə cəzalandırıldı

AFFA İntizam Komitəsi Misli Premyer Liqasının XIV turu ilə bağlı qərarlarını açıqlayıb.

Sport1.az xəbər verir ki, “Sabah” – “Neftçi” görüşündə paytaxt klubunun azarkeşləri stadionda oturacaqları qıraraq infrastruktura ziyan vurduqları üçün “ağ-qaralar” 5000 manat cərimə edilib.

“Sumqayıt” – “İmişli” matçının 90+13-cü dəqiqəsində meydan sahiblərinin məşqçisi Veliçko Kaplanoviç oyunun bərpasını ləngitdiyinə görə birbaşa qırmızı vərəqə alıb və növbəti turda iştirak edə bilməyəcək. Bu səbəbdən klub 1000 manat cərimələnib. Eyni qarşılaşmada bölgə təmsilçisinin dörd futbolçusunun xəbərdarlıq alması “İmişli”yə 700 manatlıq sanksiya tətbiq olunması ilə nəticələnib.