Dumanlar içində arena: "Birmingem" 12 tüstü bacalı stadion niyə tikir? – FOTO

İngiltərə Çempionşip təmsilçisi “Birmingem” yeni stadion layihəsini təqdim edib.

Sport1.az xəbər verir ki, klubun açıqladığı məlumata görə, inşası planlaşdırılan arena 62 min azarkeş tutumunda olacaq. Hazırda komandanın evidiryi “St. Endryus” stadionu 29.409 tamaşaçı qəbul edə bilir.

Yeni layihə Heatherwick və MANICA Architecture şirkətləri tərəfindən hazırlanıb. Arenanın dizaynında İngiltərəyə məxsus üslubu əks etdirən 12 baca və tam açılıb-bağlana bilən dam sistemi nəzərdə tutulub.

Bildirilir ki, tikinti dəyəri təxminən 2,5 milyard funt sterlinq olacaq və stadionun 2030/31 mövsümünə qədər istifadəyə verilməsi planlaşdırılır.