“Neftçi” – “Sabah” matçına biletlər satışda

Misli Premyer Liqasının VII turunda oktyabrın 9-da keçiriləcək “Neftçi” – “Sabah” matçına bilet satışı davam edir.

Sport1.az xəbər verir ki, saat 19:30-da “Palms Sports Arena”da baş tutacaq qarşılaşma üçün daha bir sektor üzrə onlayn bilet satışına başlanılıb. “Banişevski üst” sektoruna biletlərin qiyməti 3 AZN-dir.

Qeyd edək ki, daha əvvəl “Qərb 2” (2 AZN), “Banişevski alt” (3 AZN), “VIP Silver 1”, “VIP Silver 2” və “VIP Family” (15 AZN) sektorlarına biletlər satışa çıxarılıb.

Digər sektorlar üzrə biletlərin qiymətləri isə belədir:

• “Qərb 1”, “Forza”, “Şərq 1”, “Şərq 2” – 2 AZN;
• “Şimal 1”, “Şimal 2” – 3 AZN;
• “VIP Gold” – 20 AZN.

Biletləri “Neftçi”nin mobil tətbiqi və klubun rəsmi bilet platforması vasitəsilə onlayn əldə etmək mümkündür. Stadionun kassasında satışa oyun günü saat 14:00-dan başlanılacaq.