Xabi Alonso Virtzi yenidən komandasında görmək istəyir – Rodriqo qurban gedə bilər
Madrid “Real”ı “Liverpul”un hücumameyilli yarımmüdafiəçisi Florian Virtzin transferini gündəmdə saxlayır.
Sport1.az xəbər verir ki, 22 yaşlı futbolçu Premyer Liqanın ritminə tam uyğunlaşa bilmədiyi üçün klub rəhbərliyi onunla bağlı gələcək planları dəyərləndirir.
Xabi Alonsonun rəhbərlik etdiyi Madrid klubu Virtzin oyun keyfiyyətlərinə yaxından bələddir. Mütəxəssis alman yarımmüdafiəçi ilə “Bayer”də birlikdə çalışdığı dövrdə onun potensialını dərindən görüb və Virtzi “Real”ın oyun modelinə uyğun seçim sayır.
İddialara görə, Madrid klubu “Liverpul”a maraqlı ola biləcək mübadilə variantını da nəzərdən keçirir: Florian Virtz — Rodriqo dəyişikliyi. “Real”ın braziliyalı hücumçusu bu mövsüm əsas heyətdə kifayət qədər şans qazanmır və Madrid rəhbərliyi onun 2026-cı ildə ayrılması ilə bağlı ehtimalları dəyərləndirməyə hazırdır.
