Arne Slot hakim qərarını ədalətsiz hesab edir

İngiltərə Premyer Liqasının XI turunda "Liverpul" səfərdə "Mançester Siti"yə 0:3 hesabı ilə uduzdu.

Sport1.az xəbər verir ki, görüşdən sonra "qırmızılar"ın baş məşqçisi Arne Slot Vircil Van Daykın sayılmayan qolu barədə açıqlama verdi:

“Düşünürəm ki, hakimin qərarının səhv olduğu açıq-aşkar görünürdü, ən azı mənim fikrimcə. Çünki Robertson ümumiyyətlə qapıçıya mane olmurdu. Matçdan dərhal sonra mənə keçən mövsüm bu eyni hakimin "Siti”nin “Vulverhempton”a qarşı oyununda hesabladığı qolu göstərdilər. Yan xətt hakiminə bayrağı qaldırmaq və ofsaydı qeydə almaq üçün 13 saniyə lazım olmuşdu. Yəni, aydın idi ki, orada kommunikasiya var idi".