Tedesko “Fənərbağça”nı dirçəltdi – “Sarı-lacivərtlilər” məğlubiyyəti unudub

Domeniko Tedeskonun rəhbərliyi altında “Fənərbağça” Türkiyə Superliqasında parlaq çıxışını davam etdirir.

Sport1.az xəbər verir ki, italyan mütəxəssisin komandası son 7 oyunda məğlub olmayıb. Bu müddətdə “sarı-lacivərlilər” 6 qələbə və 1 heç-heçə əldə edib.

Superliqanının 11-ci turunda İstanbul nəhəngi “Beşiktaş” üzərində 3:2 hesablı qələbə qazanaraq uğurlu seriyasını davam etdirib.

Xatırladaq ki, sentyabrın 24-də Avropa Liqasında “Dinamo” (Zaqreb) qarşısında 1:3 hesabı ilə uduzduqdan sonra “Fənərbağça” heç bir oyunda məğlub olmayıb.

Oktyabrda Tedeskonun komandadan uzaqlaşdırılması ilə bağlı yayılan xəbərlərə baxmayaraq, klub rəhbərliyi ona etimad göstərib və nəticələr müsbət istiqamətdə dəyişib.

Qeyd edək ki, hazırda “Fənərbağça” 25 xalla Superliqada ikinci yerdə qərarlaşır və lider “Qalatasaray”dan cəmi 4 xal geri qalır.